ເມື່ອຟຣີແລນຊ໌ທີ່ໄດ້ຮັບການຈ້າງງານໃນລະບົບ ສີມືຮັບ (Seemuehub), ໄດ້ເຮັດວຽກສຳເລັດ ແລະ ສົ່ງວຽກຕາມການຕົກ ລົງກັນສອງຝ່າຍລະຫວ່າງ ຜູ້ຈ້າງ ແລະ ຟຣີແລນຊ໌ແລ້ວ. ຟຣີແລນຊ໌ຕ້ອງຮ້ອງຂໍຖອນ ເງິນຢູ່ໃນລະບົບ Escrow, ສີມືຮັບ ຈະເປັນຜູ້ກວດສອບ ແລະ ໂອນເງີນຜ່ານບັນຊີໃຫ້ຟຣີແລນຊ໌ໂດຍກົງ
ຟຣີແລນຊ໌ສາມາດຮ້ອງຂໍຖອນເງິນໄດ້ໃນກໍລະນີທີ່ກົງກັບເງື່ອນໄຂດັ່ງນີ້:
ທ່ານໄດ້ສຳເລັດໜ້າວຽກທັງໝົດຕາມຕົກລົງກັນທັງສອງຝ່າຍ ລະຫວ່າງ ຜູ້ຈ້າງ ແລະ ຟຣີແລນຊ໌, ຜູ້ຈ້າງໄດ້ຍອມຮັບການສົ່ງມອບວຽກຕາມເວລາທີ່ກຳນົດແລ້ວ.
ຜູ້ຈ້າງງານບໍ່ໄດ້ຕອບກັບ ຫຼື ບໍ່ຢືນຢັນການຮັບວຽກພາຍໃນ 7 ວັນ ນັບຕັ້ງແຕ່ມື້ທີ່ທ່ານໄດ້ແຈ້ງວ່າວຽກສຳເລັດ ແລະ ມອບໝາຍແລ້ວ.
ທ່ານຕ້ອງມີຫຼັກຖານຢັ້ງຢືນການສົ່ງວຽກສຳເລັດທີ່ໜ້າເຊື່ອຖືໄດ້ ເຊິງຫຼັກຖານທີ່ດີຄວນປະກອບດ້ວຍ:
ການຮັບຮອງການສົ່ງມອບວຽກສຳເລັດຈາກຜູ້ຈ້າງງານ
ການອັບໂຫຼດໄຟລ໌ວຽກທີ່ສຳເລັດແລ້ວໃນລະບົບ.
ບັນທຶກການສື່ສານທີ່ສະແດງເຖິງການມອບວຽກ.
ຂໍ້ມູນອື່ນໆ ທີ່ພິສູດວ່າວຽກໄດ້ສຳເລັດຕາມຂໍ້ຕົກລົງ.
ຟຣີແລນຊ໌ຕ້ອງສົ່ງຄຳຮ້ອງຂໍຖອນເງິນຢ່າງເປັນທາງການຜ່ານລະບົບຂອງ ສີມືຮັບ ພ້ອມທັງແນບຫຼັກຖານທັງໝົດທີ່ກ່ຽວຂ້ອງ.
ທີມງານຂອງ ສີມືຮັບ ຈະແຈ້ງໃຫ້ຜູ້ຈ້າງງານຊາບກ່ຽວກັບການຮ້ອງຂໍຖອນເງິນ ຟຣີແລນຊ໌ ເພື່ອຢືນຢັ້ນການສົ່ງສອບວຽກສຳເລັດ ແລະ ຕອບກັບພາຍໃນ 24 ຊົ່ວໂມງ ພາຍຫຼັງໄດ້ຮັບການແຈ້ງ. ຖ້າບໍ່ມີການຕອບກັບ, ການຮ້ອງຂໍຈະຖືກພິຈາລະນາຕາມຫຼັກຖານທີ່ມີ.
ຫຼັງຈາກໄດ້ຮັບຂໍ້ມູນຄົບຖ້ວນຈາກທັງສອງຝ່າຍ, ທີມງານຂອງ ສີມືຮັບ ຈະພິຈາລະນາ ແລະ ຈ່າຍຄ່າບໍລິການໃຫ້ຟຣີແລນຊ໌ພາຍໃນ 48 ຊົ່ວໂມງ (ວັນລັດຖະການ) ນັບຕັ້ງແຕ່ມື້ທີ່ໄດ້ຮັບຂໍ້ມູນຄົບຖ້ວນ.
ການຕັດສິນໃຈຂອງພວກເຮົາອາດຈະສົ່ງຜົນດັ່ງນີ້:
ອະນຸມັດຈ່າຍເຕັມຈຳນວນ: ຖ້າຫຼັກຖານສະແດງວ່າວຽກສຳເລັດຕາມຂໍ້ຕົກລົງທຸກຢ່າງ.
ອະນຸມັດຈ່າຍບາງສ່ວນ: ຖ້າວຽກສຳເລັດພຽງບາງສ່ວນ ຫຼື ມີຂໍ້ຜິດພາດເລັກນ້ອຍ.
ປະຕິເສດການຮ້ອງຂໍ: ຖ້າການຮ້ອງຂໍບໍ່ມີເຫດຜົນພຽງພໍ ຫຼື ຫຼັກຖານບໍ່ໜັກແໜ້ນ.
ຖ້າຄຳຮ້ອງຂໍຖອນເງິນຂອງທ່ານໄດ້ຮັບການອະນຸມັດ, ເງິນທີ່ຢູ່ໃນລະບົບ Escrow ຈະຖືກໂອນໃຫ້ທ່ານໂດຍກົງ. ການໂອນເງິນຈະດຳເນີນການຜ່ານບັນຊີທະນາຄານທີ່ທ່ານໄດ້ລົງທະ ບຽນໄວ້ໃນລະບົບ, ໂດຍຈະມີການຫັກຄ່າທຳນຽມການບໍລິການ 15% ຈາກຍອດເງິນທີ່ໄດ້ຮັບການ ຖອນ.
ການຮ້ອງຂໍຖອນເງິນຈະຖືກປະຕິເສດໃນກໍລະນີດັ່ງຕໍ່ໄປນີ້:
ວຽກທີ່ທ່ານມອບໝາຍບໍ່ກົງກັບລາຍລະອຽດທີ່ໄດ້ຕົກລົງກັນ ຫຼື ມີຂໍ້ຜິດພາດຮ້າຍແຮງ.
ການຮ້ອງຂໍທີ່ບໍ່ມີຫຼັກຖານຢັ້ງຢືນການມອບວຽກທີ່ໜ້າເຊື່ອຖື.
ທຸລະກຳການຊຳລະເງິນທີ່ບໍ່ໄດ້ດຳເນີນການຜ່ານເວທີ ສີມືຮັບ ໂດຍກົງ.
ເພື່ອປົກປ້ອງການສໍ້ໂກງ ຂອງເວທີ ສີມືຮັບ ມີມາດຕະການຕໍ່ການສໍ້ໂກງດັ່ງນີ້:
ທີມງານຂອງພວກເຮົາຈະກວດສອບທຸກການຮ້ອງຂໍຖອນເງິນຢ່າງລະອຽດ.
ຖ້າພົບວ່າຟຣີແລນຊ໌ມີການຮ້ອງຂໍຖອນເງິນແບບສໍ້ໂກງ (ເຊັ່ນ: ໃຊ້ຫຼັກຖານປອມ ຫຼື ລາຍງານບໍ່ເປັນຄວາມຈິງ), ບັນຊີຂອງທ່ານຈະຖືກ ປິດຢ່າງຖາວອນ ທັນທີ ແລະ ບໍ່ສາມາດຖອນເງິນທີ່ຄ້າງຢູ່ໃນລະບົບໄດ້.